७. लवथवती विक्राळा

लवथवती विक्राळा ब्रह्मांडी माळा | 

विषें कंठ काळा त्रिनेत्री ज्वाळा ॥ 

लावण्यसुंदर मस्तकी बाळा | 

तेथुनिया जळ निर्मळ वाहे झुळझूळा ॥ १ ॥

जय देव जय देव जय श्रीशंकरा हो स्वामी शंकरा | 

आरती ओवाळू, भावार्थी ओवाळू तुज कर्पूरगौरा ॥ धृ ॥

कर्पूरगौरा भोळा नयनी विशाळा | 

अर्धांगी पार्वती सुमनांच्या माळा | 

विभूतीचे उधळण शितकंठ नीळा | 

ऐसा शंकर शोभे उमावेल्हाळा ॥ २ ॥

 जय देव... 

 देवी दैत्यी सागरमंथन पै केले |

त्यामाजीं अवचीत हालाहल उठिले ॥ 

ते त्वां आसुरपणे प्राशन केले | 

नीलकंठ नाम प्रसिद्ध झाले ॥ ३ ॥ 

जय देव... 

व्याघ्रांबर-फणिवरधर सुंदर मदनारि | 

पंचानन मनमोहन मुनिजनसुखकारी ॥ 

शतकोटीचे बीज वाचे उच्चारी | 

रघुकुलटिळक रामदासा अंतरी ॥ ४ ॥

जय देव ... 

Posted in: Aarati